sAnDhy sAy: hEllO wOrLd.....

udin galau

disuatu pagi yang cerah, matahari berbinar ceria hingga kawanan awan menyingkir menjauh..(lebay bgt gak siy?), udin  yang lagi ngambil uang pensiunan babenya di kantor pos ketemu bejo yang kebetulan jg ada disitu..akhirnya sambil nunggu antrian pensiun, mereka ngobrol deh..

Udin: whoiiii joooo..., tumben lu nongkrong dimari..,ngapain cuy? kirim lamaran kerja? pan lu dah sukses jualan kopi...
bejo: kagak.., ane mo bayar pajak.
udin: bujubuneng..., bayar pajak kok dimari?? di samsat sono joo..
bejo: nyang ni bukan pajak motor ane Din.. ni pajak penghasilan.., hasil jualan kopi..
udin: ee gile lu.. pajaknya gayus ituu??? ngapain dibayar cuy?? tar juga diabisin ma pegawe pajak, temen-temenya si gayus...ma koruptor koruptor nyang suka nongol di tipi itu.. betewe endewey baswey, kok disini bayarnya cuy? kagak
di kantor pajak?
bejo: yah.. elu din, bayar pajak ma emang dimari..atawa di bank. kantor pajak ma cuma nyimpenin giniannya ni..,bukti setor..
udin: oow gitu ya cuy? trus gimana si gayus itu bisa makan duit pajak ya? pan duitnya disetor ke bank?
bejo: pan si gayus tu PNS din.., jd dia dapet gaji kan? lha gaji tu kan dari duit pajak..
udin: ah elu bisa aja cuy... ntu mah babe ane nyang dah pensiun jg dapet dong.. ane makan duit pajak juga dong cuy..
bejo: yaeyalaaa din masak ya iya dong siy.. lu kan udin bukan udong.... hahaha..
udin: hahahaha..  eh, tapi..waduh... jadi kepikiran ane cuy..
bejo: apaan din? napa? si mawar gebetan lu diapelin preman kampung sebelah din?
udin: kagak.... mawar ma dah gue amanin cuy.. ntu preman yg suka nongkrong mabok di depan gang rumahnya dah gue
tabok, gue laporin hansip cuy.. bukan itu cuy yg jd pikiran ane..
bejo: apaan dong?
udin: soal pajak ini cuy.. sekarang kan gi seru-serunya pada demo kagak mau bayar pajak, kagak usah bayar pajak..
karena kalo dibayar juga duitnya diabisin ma koruptor, buat jalan-jalan ke eropa lah, buat betulin wc lah, t*i kucing lah..trus..
bejo: trus napa ane bayar pajak?
udin: bukan cuy.. trus kalo orang jadi gak bayar pajak gara-gara demo itu.. negara jadi kagak punya duit..,pensiunan babe gue bisa kagak dibayar dong.. berabe ni cuy...
bejo: nah ntu din.. efeknya... mangkanya ane bayar din...
udin: waduhh.., puyeng gue mikirin ntu cuy...
bejo: mangkanya, orang-orang yang emang mampu, yang punya penghasilan cukup, kudu bayar pajak din..
udin: gimana cara bayarnya cuy? ribet kagak? kasi tau ane cuy.. biar tar koh ahok ane suruh bayar pajak..
bejo: pajak penghasilan di negara kita ni, setau ane cara bayarnya ya gini.. kita itung sendiri berapa penghasilan
kita, trus kita itung berapa pajaknya, trus setorin pajaknya ke kantor pos atawa bank.. abis ntu bukti setorannya dilaporin deh ke kantor pajak..
udin: lha.. gitu doang? nyang nentuin pajaknya bukan pegawe pajak?
bejo: kagak.., kita sendiri yang ngitung. emang gitu sistemnya din. bahasa kerennya self assesment.
udin: waahh.., kalo gitu sistemnya kayak kantin jujur di kampus gue dulu ya.. kita ambil kue, kita bayar.. kagak ada
orang nyang jagain.. bayar ato kagak juga kagak ada nya tau..
bejo: yaa mirip-mirip gitu lah din..emang kudu jujur.. kalo misalnya kita punya penghasilan gede ni, trus kagak mau
bayar pajak.. kan merugikan negara namanya.. uang pajak yang harusnya masuk kas negara buat pembangunan kagak dia setorin, dia makan sendiri.. itu kan sama ma koruptor nyang suka nongol di tipi.., makan uang negara..
udin: iya ya... orang-orang tajir nyang kagak bayar pajak sama ma koruptor ya cuy..
bejo: itulah din... kenapa ane bayar pajak... kita pan dah make fasilitas yang dibikin ma pemerintah din.. jalan di
depan  rumah lu nyang barusan diaspal ntu, siapa nyang bagusin? bukan ente kan? aspalnya bukan ente nyang beli kan?
ente taunya ya tinggal make doang din, tinggal nikmatin.. nah pemerintah bikin-bikin gituan darimana duitnya din kalo bukan dari pajak.. nah kalo dah kaya tapi kagakk mau bayar pajak kan sama aja numpang doang namanya.. jalan jelek triak-triak pemerintah kagak becus, padahal dia sendiri bayar pajak juga kagak.. giliran dibagusin diem nikmatin jalan buat kirim-kirim barang dagangannya.. ibarat kata din, lu bikin rumah pake duit lo sendiri din, bagus rumahnya.. trus tiba-tiba ada orang yang kagak lu kenal masuk rumah lu, tidur disitu, makan disitu, boker disitu.. kira-kira lu marah kagak din?
udin: belon sempet beol, dah gue gampar tu orang cuy..
bejo: nah itulah kelakuan orang-orang yang kagak mau bayar pajak, negara bikin jalan, jembatan, pan pake duit pajak.
mestinya nyang boleh make kan orang-orang yang bayar pajak din.. yang kagak bayar pajak tapi ikutan make ntu orang
yang kagak punya malu din.. kudu ditabok..iya gak din??
udin: yoi cuy.. baru nyadar gue cuy..
speaker: bapak ibrahim...him.. him..him.. (speakernya pake echo)
udin: wah, babe gue cuy.., dah dipanggil.. gue kedepan dulu cuy..
bejo: okelah kalo begitu.. ane juga ada perlu niy din.. ngepakin kopi.. gi banyak orderan niy.. ane duluan ya
din..lu kalo dah sukses jangan lupa bayar pajak juga din..
udin: sipp cuy.. pasti lah...

posted by sAnDhY @ 1:16 AM